Potaedje (ås djeus d' efants)

Poter, dins les djeus d' efants, c' est dire ene contene po vey li ci ki djouwrè l' prumî, u ki serè l' voleu, evnd.

Les contenes po poter, c' est ene sôre di rime-rame d' efant.

Contenes po poter

• po tos les djeus.

Antebidone, marcote frezêye;

Cwand les vatches bizèt, elle ont l' cawe levêye;

Mistritchou, layelayiloû,

Antebidone, vos estoz foû

• å djindår et voleu.

Boum et boum et mastoker,

dj' a do pwin po bén dinner;

kî est ç' lu ? Djindår u voleu ?:

• po tos les djeus.

Èn, swey, drey

Pike et pike et comedeye

Boure et boure et ratatam

Moustram

• po tos les djeus.

Ene poye k' est e l' aiwe.

Vizez bén k' ele n' î neye

Pocodî, Pocodå

Clegne clå

Dezevî, dezevete

Tibî l' oujhea, t' endè cwite.

• po tos les djeus.

Boû sins coine

Coine di boû

C' est ti k' est foû.

ubén:

Clime clame

Hôtès clames

Coine di boû

C' est ti k' est foû.

• po tos les djeus.

Ene grosse poye k' esteut sol toet

Ele fijheut des beas gros poes

Ene

Deus

Troes

Vos estoz foû

Po tos les djoûs