Radiocérudjeye

Èn årtike di Wikipedia.
Potchî a: naiviaedje, cweri
Tecnike
prezintaedje

Li radiocérudjeye, c' est li touwaedje, come côpaedje å coutea, d' on nucrê canceriveus (magnant må bén ramassé) metou parfond e cervea.

Li «coutea» atomike si lome eto gama-coûte ou coutea gama.

L' ekipe di specialisses (docteurs et fizicyins) ki boutèt dins on sfwait siervice, c' est les «gamayisses».

El Beldjike, li tecnike est eployeye a l' ospitå Erasse di l' ULB.

Mwaisse atuze[candjî]

Li mwaisse atuze, c’ est d’ aplonker sol nucrê avou des rais gama prodûts pa des atomes di cobal. N’ a nole dôze ki doet rispiter di ttåtoû do magnant må.

Ça n’ fwait nén må et on n' doet nén ddja esse edoirmou.

Aprestaedje do pacyin (del pacyinne)[candjî]

I fåt rschurer l' tiesse do (del) malåde comifåt.

Å prume, il esteut reki d’ astoker l’ tiesse avou on casse ki tént fer, ca ci cåde la ni doet nén bodjî d’ on milimete cwand l' malåde passe divins l’ machine.

On côp l' tiesse bén astokêye, i fåt rpasser å scaner et a l' iyerem po mzurer å cwårt di pwel près li cogne et l' grandeur del crantchoûle.

Adon, les docteurs carculnut a on pwel près les dôzes et les tchamps d’ rayixhaedje, pu evoyî les dnêyes å fizicyin ki va moenner l’ machine atomike.

Tins d' operåcion, ki deure ene pitite eure, li pacyin si pout edoirmi di lu-minme, so l' inflouwince des rapåjhantès droukes et del muzike (motoit des hosseuses).

Dins les belès letes e walon[candjî]

Djozé Schoovaerts, e 2013, toirtcha ene binde d' imådjes didactike, Gama-coûte, po fé comprinde ås pacyins cisse tecnike la, et les mete foû hisse.