Rimagnaedje di letes

On rmagnaedje di letes, c' est cwand deus cossounes, metowes ene dilé l'ôte, pierdèt leu son prôpe, et ndè prinde èn ôte.

Sôres di rmagnaedje

• li rmagnaedje del deujhinme cossoune (Fr. assimilation progressive) : c' est l' cossoune k' est padrî l' ôte, dins l' mot, ki rcandje :

TCH + V = tch f (loukîz a : dobe son DJ V)

on tchvå => on tchfå

N + D = nn

endè = ènnè

• li rmagnaedje del prumire cossoune (Fr. assimilation progressive) : c' est l' cossoune k' est padvant l' ôte, dins l' mot, ki rcandje :

D + M = n m

on dmande => /ɔ̃ nmãt/; admete => [anmɛt]

D + N = n n

po dner => [po nne]; di dnêye : /di nnɛ:y/

S + B = Zb

sbarer, Hesbaye, disbene => /zbare/, /Hezbaj/, /dizbɛn/

Egzimpe di rmagnadje sicrît podbon

• li dobe rimagnaedje (Fr. assimilation double): les deus cossounes ricandjnut :

DJ + N = gngn

on djno => on gngno /ɲɲo/

a Djnape => a Gngnape /ɲɲap/

Ôtes rimagnaedjes dins les accints do walon

• E payis d' Lidje, li shuvion TCH + V si rmagne al prumire cossoune :

on tchvå => on djvå (loukîz a : dobe son DJ V)

• Todi e payis d' Lidje, li shuvion V + N divént MN :

Grivgnêye => Grimgnêye; Invna => Inmna; il a vnou => il a mnou

• E payis d' Tchålerwè, li shuvion N + D divént a môde di rmagnaedje del prumire cossoune :

i nd a = i dd a.

• E payis d' Djodogne, li shuvion N + M divént mm :

Ene miete: om mièt. 

Rimagnaedje dins des ôtes lingaedjes

• neyerlandès

het volk (li peupe) => het /folk/

• espagnol

un poco (ene miete) => /om poko/

==Hårdêye difoûtrinne==

• Sacwants mots avou des rmagnaedjes di letes (dedja studyîs sol Wiccionaire)