Rindjmint des fåves da Aarne et Thompson

Èn årtike di Wikipedia.
Potchî a: naiviaedje, cweri

Li rindjmint des fåves da Aarne et Thompson, c' est on rlomé sistinme di clasmint des fåves do vî vî tins.

C' est l' Finlandès Antti Aarne (1867-1925) et l' Estazunyin, ki provneut d' Suwede, Stith Thompson. (1885-1976), k' ont-st emantchî ci rindjmint la.

Istwere do rindjmint da Aarne et Thompson.[candjî]

Il a stî eplaidî on prumî côp e 1910 pa Antti Aarne en almand. Li foclorisse s' a bråmint rashid so les ramexhnêye di contes finlandès, so les fåves et floricontes almands dås frés Grimm, et eto sol ramexhnêye daenwesse da Sven Grundtvig.

E 1927, Stith Thompson a stindou l' rindjmint a des fåves di totavå, dins l' live "The Types of the Folktale : A classification and bibliography", k' a stî replaidî 1973, pa l' Academia Scientiarum Pennica a Hensilki.

E 2004, Hans-Jörg Uther a co rcandjî ene miete li rindjmint po si Enzyklopädie des Märchens (eciclopedeye des fåves do vî vî tins).

Li rindjmint da Aarne et Thompson.[candjî]

  • fåves di djåzantès biesses (inglès : Animal Tales, almand Tiermärchen), ki c' est les l° 1 a 299.
  • Fåves d' emacralaedjes et d' estchantmint (inglès : Tales of Magic, almand Zaubermärchen), ki c' est les l° 300 a 749.
  • Fåves rilidjeuses (inglès : Religious Tales, almand Legendenartige Märchen), ki c' est les l° 750 a 849.
  • Floricontes (inglès : Romantic Tales, almand Novellenartige Märchen), ki c' est les l° 850 a 999.
  • Contes do biesse magneus d' efants (inglès : Tales of the Stupid Ogre, almand Märchen vom dummen Teufel/Riesen), ki c' est les l° 1000 a 1199.
  • Couyonådes et racontroûles (inglès Jokes and Anecdotes, almand Schwänke), ki c' est les l° 1200 a 1999,
  • Fåves di formule madjike (inglès Formula Tales, nén ene categoreye po Aarne), ki c' est les l° 2000 a 2400.
  • Fåves nén rindjåves (inglès: Unclassified Tales, nén ene categoreye po Aarne) ki c' est les l° 2401 a 2500.

Eployaedje et criticaedje.[candjî]

Li rindjmint da Aarne et Thompson a stî eployî po classer les fåves do vî vî tins did pattavå l' Daegn. Et çoula, cobén k' on-z a rprotchî å rindjmint d' esse trop ecorinné so les fåves di l' Urope.

Rindjmint di sacwantès fåves del Walonreye[candjî]

Imådje:Fåve Verbok Bernard Lecomte.jpg
Enimådjaedje del fåve do Verbok (da Bernard Lecomte)
Loukîz èn ôte rindjmint a Fåve do vî vî tins del Walonreye