Rodjixhante amanite
Li rodjixhante amanite (on dit eto rodjåsse amanite) est on tchampion foirt candjant d' aspet ki vént dins tos les bwès.
| rodjixhante amanite | ||||||||||||||||
|---|---|---|---|---|---|---|---|---|---|---|---|---|---|---|---|---|
 Amanita rubescens (Foto: Jean-Pol Grandmont). | ||||||||||||||||
| Rindjmint sincieus | ||||||||||||||||
|
Discrijhaedje[candjî | candjî l’ côde wiki]
Tchampion avou on tchapea (4 a 20 cm), di coleur brun-rôzé a vwele nén régulî, avou des bokets di mannetès blankès peas ou crinme-ocracêye (ki plèt esse lavêyes pa l' plouve), avou des blankès lames taetcheyes di rôze, on blankasse ou brunasse subulbeus pî avou on blanc anea, sins volve et sovint chiné (6-22 x 1,5-3,5 cm). Blanke tchår rodjixhant dins les blesseures et a l' casseure. Il est sovint ataké pa les molons et les parazites. I vént al tere dins tos les bwès dins les maiguès teres (ossu bén dins les sapéns, ki les bwès a foyes) di l' esté a l' fén d' l' årire-såjhon. C' est dins les sapéns k' on trouve les pus gros egzimplaires.
Eployaedje[candjî | candjî l’ côde wiki]
C' est on tchampion k' on pout mougnî tot e purdant l' précôcion di l' bén cûre. Atintion: confuzion possibe avou l' amanite pantere (ki lu est foirt tocsike). Li distinccion est portant åjheye a fé po les cnoxheus :
- L' amanite pantere a on tchapea avou on boird striyî, li spesse anamite neni.
- L' amanite pantere a ene sipesse volve fôrmant on bourlet, dismetant ki li spesse amanite n' end a cåzu pont.
- L' amanite pantere come si no l' dit bén, rodjit a l' cassure, dismetant ki l' amanite pantere dimeure bén blanke.
Bibliografeye[candjî | candjî l’ côde wiki]
Tites des lives e francès k' i gn a avou pus di racsegnes so ç' tchampion la:
- Régis Courtecuisse, Bernard Duhem: Guide des champignons de France et d'Europe (Delachaux & Niestlé, 1994-2000).
- Marcel Bon: Champignons de France et d'Europe occidentale (Flammarion, 2004)
- Dr Ewaldt Gerhardt: Guide Vigot des champignons (Vigot, 1999) - ISBN 2-7114-1413-2
- Roger Phillips: Les champignons (Solar, 1981) - ISBN 2-263-00640-0
- Thomas Laessoe, Anna Del Conte: L'Encyclopédie des champignons (Bordas, 1996) - ISBN 2-04-027177-5
- Peter Jordan, Steven Wheeler: Larousse saveurs - Les champignons (Larousse, 1996) - ISBN 2-03-516003-0
- G. Becker, Dr L. Giacomoni, J Nicot, S. Pautot, G. Redeuihl, G. Branchu, D. Hartog, A. Herubel, H. Marxmuller, U. Millot et C. Schaeffner: Le guide des champignons (Reader's Digest, 1982) - ISBN 2-7098-0031-4