Roman d' amour
On roman d' amour, c' est on roman la ki les eros s' voeynut voltî. Tote l' istwere est waiteye avou ses ouys da ene (onk) des deus, ou des ambedeus. Come di djusse i vont aveur toplin des rujhes po s' poleur maryî.
Li roman d' amour, c' est dandjreus li pus viye sôre di roman k' i gn åye avou.
Les romans d' amour polèt esse eto des romans sicolodjikes. Cwand gn a tot po moenner a ene plaijhante fén, on les traite cobén d' romans a l' aiwe di rôze.
C' est bråmint les comeres ki lijhnut les romans d' amour.
[candjî] Istwere
Do tins di l' Impire romin, on lomé "Longus" sicrît "Daphnis et Chloë".
El Moyinådje, l' ero, c' est todi on nobe cavlî ki n' rtrovrè ki rålmint li cene k' i voet voltî, sol piceure di "Tristan et Yseult".
[candjî] Sacwants rlomêyès scrijheuses
- Madame de Lafayette (ki scrît onk des prumîs roman sicolodjikes, "La princesse de Clèves"
- Barbara Cartland
[candjî] Sacwants romans d' amour e walon
Emey les romans e walon, gn a yeu sacwants romans d' amour :
- Å bea payis d' Han (d' Adelin Lebrun) : modele des romans a l' aiwe di rôze.
- On n' candje nén s' planete (Chantal Denis), pus modiene, veyanmint ki l' ome veyou voltî est ddja maryî.
- Vera (Lucyin Mahin), ki s' passe en on decor egzotike. Et on n' sait måy çou k' eroyene (Vera, dabôrd) pinse.
- Gabriyel eyet Gabriyel (N. & G. Staelens), ewou k' i gn a deus spoûles d' amour: ene, avou deus valets ki s' voeynut voltî; l' ôte, avou ene båshele ey on valet.
