Saetch ås mas (novele)
Saetch ås mas (Sa a Mas), c' est ene novele e walon do payis del Lovire sicrîte pa Christian Thonet, ey eplaideye dins l' coleccion "Audace" e 2007.
Ele est ratournêye e francès på scrijheu al fén do live.
Boket saetchî foû do live[candjî | candjî l’ côde wiki]
- M' pa a prins condjî po l' etermint a Tôr. I nos a rabiyî avou nos lokes do dimegne. Il a côpé les pus belès rôzes, fok des rodjes. C' est k' el Tôr, il ît socialisse. I n' årè pont d' messe, rén k' del muzike, disk' a tant k' i l' metront divins l' tere ås petotes.
- Dji so binåjhe ki nos n' dalans nén a messe : i n' a k' des minteus e l' eglijje. Dayeur i n åreut on Bon Diu, ebén l' Tôr, i n' sereut nén moirt. Il esteut co bon a fé des mas, el Tôr.
- Londi, åréns stî a scole eyet dj' åreu putete sitî l' tchampion do monde des djouweus al toke del comene di Manâdje. I nd åreut yeu onk, di rabindlaedje divins l' coû di l' escole. Mi, Gusse, el brower del cwatrinme anêye, mi, l' tchampion do monde eyet Milo astok di mi po tni les mas divins in saetch e pea d' fougnant.
- Ké firté po Milo, tini les mas do tchampion do monde, esse èm-n ome di cope, esse astok do pus grand djouweu ås mas di tos les tins, l' cok do viyaedje : « Alez les poyes, e rangs pa deus !... » A, a, les comeres, endè va aveur, do dalaedje !...
- Mes iys s' ebrouyèt. Dji rwaite Milo. Il a s' tiesse baxheye. Dj' etin Mareye ki rnifele ès nez. Mes parints sont astok di mi avou leus rôzes. I n a ene masse di djins. I fwait bon mins... ké fayé djoû !...
- D' a prins des vîs mas po mete dins l' trô, po rmerciyî Tôr po m' novea saetch ås mas. (p. 19)
Hårdêye difoûtrinne Minme boket, e mwaisse sicrijhaedje