Sapinsté
Ene sapinsté, c' est ene sôre di spot, mins ki rprind les swè-dijhant paroles d' ene sakî. Dins sacwants cas, ça a stî, podbon, ene pinsêye di cisse djin la.
Li sapinsté li pus cnoxhowe e walon, li minme e picård, c' est
- Vla l' neu, dit-st i l' soyeu !
Li loyén inte li citaedje des paroles et l' no do djheu des paroles, c' est sovint "dit-st i". Ci n' est nén po çoula ki les sapinstés, c' est des rimes a disti.
Gn a eto des ôtes loyéns :
- "fwait"
- Çou k' est houte est houte, fwait l' curé d' Burninveye. (rilevé pa R. Pinon.
- sapinse (did la li no "sapinsté")
- Tolminme, cwè c' est d' nozôtes, sapinse li Flamind ki waitive touwer on pourcea. (A. Neufort.
- come dijheut
Did la, li tite do live da Pierre Faulx "Come dijheut m' grand-pere".
- etind-t on dire sovint
- L' ome roye et l' Bon Diu disroye, etind-t on dire sovint.
- li spot dit
- On vî spot dit, nel rovyîz nén
- K' I våt mî èn oujhea e s' mwin
- Ki deus sol håye. (Hubert Désamoré, Monsieu Lucyin, Lidje, 1903)
Ådvins |
Li rireye dins les sapinstés[candjî]
Pa côps, li deujhinme boket n' est la ki po refoircî l' prumî. Gn a la nole rireye.
- Vla l' neu, dit-st i l' soyeu !
Tot bastixhant a cmincî di ci adjinçna la, on mete come deujhinme boket on djheu ki n' såreut fé çou k' I dit, mot po mot :
- C' est a vey, dit-st i l' aveule !"
- La çou k' c' est d' bén cåzer, dit-st i l' moya !
Pacô, c' est dire deus côps parey; c' est ene fene rireye, po s' fote d' onk ki n' kinoxhe nén les deus sinonimes.
- Come direut Chôze, on cayô, c' est ene pire ey ene pire, c' est on cayô.
- Come dit li spot, pus cût, pus boût.
Lomaedje des sapinstés[candjî]
Li lomaedje e walon, c' est on noûmot edvinté pa Roger Viroux, a pårti del djonteure "sapinse (a)".
Roger Pinon, divins "|Wallonnes", atåvele k' on les lomaxhe dins tos les lingaedjes "wellerisses".
Les sapinstés dins les ôtes lingaedjes[candjî]
E hôt latén, gn a cwate sapinstés dins l' live ''Fecunda ratis", sicrît a Lidje el fén do 11inme sieke d' on lomé Egbiet.
