Schaerbote

ene eschaerbote

Li schaerbote (on dit eto schaerfon, schafion, mousse-e-stron, mousse-e-brén, mousse-e-flate) , c' est on gros noer inseke come ene baloujhe, foirt corant, ki mousse ezès flates, et fé ene grosse bole k' i boute et-z eterer po-z î ponde ses oûs.

No e sincieus latén : Geotrupes stercorarius.

Dins l' foclore et l' lingaedje corant

Såvaedjes no di dmorants

Li biesse sieve eto a des spotaedjes des dmorants d' on viyaedje:

• Glaireuse : les Schaerbotes (Scarbotes, Scârbotes, ene Sucarbote)
• Madjrè : les Schaefions (Chafions)
• Rinuveye : les Schaefions (Chafions)

sinses imådjreces

• po ene djin ki vike del nute (imådje del noere coleur)
• po on ptit efant
• come traitaedje a onk k' on n' voet nén voltî.
• po ene hodisse djin : i n' vos leye nén e påye come on schaerfon n' lait nén ouve di bouter s' crote.

Hårdêye difoûtrinne

• Tecse so les schaerbotes