Simon de Harlez

Èn årtike di Wikipedia.
Potchî a: naiviaedje, cweri

Simon de Harlez a skepyî a Lidje diviè 1700 et î a morou e 1782. Il esteut signeur di Rabozêye et do ban d’ Fronveye. I dvént on tchenonne di Lidje et consyî do Prince Tchåle di Houte-li-Mont.

I scrijha tot seu èn operå : Les Ipocondes, onk des cwate operås do Teyåte lidjwès.

Avou de Cartier, Fabry et Vivario, i scrijha «Li voyaedje di Tchôfontinne».

De Harlez est rwaitî pa François Bailleux come on bon fjheu d’ arimeas et on cråne muzicyin. C’ est lu k’ a discovrou ey ecoraedjî Grétry. C' est bråmint a cåze di lu ki les Belès Letes e 18inme sieke el Principåté d' Lidje, c' esteut scrît e walon, nén e francès. Ces trevéns la sont rwaitîs pa François Bailleux come l' ådje d' ôr do lingaedje walon.

Tos les iviers, i fjheut des raploûs di muzicyins et intelectouwels lidjwès, la ki les pîces do teyåte walon fourît compôzêyes.

Riprins dins l' grosse antolodjeye da Piron.

Ôtès muzikes compôzêyes pa de Harlez[candjî]

Il a co fwait cénk cantates:

  • Proloke po ravizer on complimint tchanté el såle d’ assimblêye sol plaece des Djezwites li nouv di fevrî 1762 (metou e muzike pa Hamal, tchanté po li strimaedje del såle des Rdoutés, k’ aléve divni li «Societé d' Emulåcion»).
  • Cantate lidjwesse å grand keur prezintêye å prince Tchåle li djoû di si eleccion, li 20 d’ avrî 1763.
  • Cantate lidjwesse pal djoû ki nosse Prince di Houte–li-Mont intere å Palå, metou e muzike på Mwaisse Hamal.
  • Cantate lidjwesse prezintêye å Prince Tchåle li djoû di l’ inåguråcion del par des pårlîs (Lidje, F.S. Desoer, 1764)
  • Cantate po buskinter nosse Prince Tchåle di Houte-li-Mont li djoû d’ ès fiesse, prezintêye del pårt di Mwaisse Hamal ki l’ a metou e muzike.

Hårdêye difoûtrinne[candjî]

Reployaedje di des fråzes da sinne sol Wiccionaire