Sint Gubiet

Èn årtike di Wikipedia.
Potchî a: naiviaedje, cweri

Sint Gubiet (on dit eto: sint Gobiet u sint Guëbert, e F. saint Guibert u Wicbertus), c' est on sint fiesti el Walonreye k' a skepyî diviè 892 dins l' conteye di Darnau. Si pa esteut on mwaisse-sôdård do rwè d' Lotarindjeye. Si mame provneut del cour d' Ostrazeye.

Gubiet leya hatche et matche li veye di sôdård, po s' vini s' astaler a Djiblou. Ci fourit l' troejhinme conte do dominne. Il î fjha basti ene ritche abeye benedictene.

Il erala a l' abeye Gorzé dé Metz po ses vîs djoûs, et c' est la k' i dhota e 962. Mins il aveut dmandé ki s' coir fourixhe remoenné a Djiblou.

E 1100, on loma a s' no li viyaedje di Mont-Sint-Gubiet.

I fourit beyatifyî e 1110.

Porcession sint Gubiet a Djiblou[candjî]

Si fjheut del nute, li 22 et l' 23 d' may. Ene miete divant meynute, les djins s' rapoûlént avou des lantienes divant l' tchapistrea. A meynute petante, i s' metént en erote po fé l' Toû sint Gubiet.

Li porcession statéve a totes les tchapeles, et dire ene påter. I dmorént pus lontins e Bouxhon Sint Gubiet. Lavola, sint Gubiet åreut planté s' bordon e tere, et i nd åreut crexhou on bouxhon d' årdispene.

Les pelrins codént des fleurs la dins l' cotoû, et les ramoenner el veye. I rarivént diviè 3 eures et dmey, cwatre eures å matén. I florixhént li posteure do bondiu d' pitié, eyet l' tombe da sint Gubiet.

Priyaedje sint Guibiet[candjî]

On l' priyive po esse waeranti des oraedjes et pol dislaxhaedje des prijhnîs.