Sint Serwai d' Tongue

Èn årtike di Wikipedia.
Potchî a: naiviaedje, cweri
Pol discramiaedje des årtikes avou l' mot "Sint Serwai", loukîz cial

Sint Serwai d' Tongue u sint Servå d' Tongue (latén Servatius; årmenyin Շիրվանզեանզ = chirvantzeantz), c' est on sint fiesti el Walonreye, li 13 di may. Pask’ i mora d’ five a Måstraik li 13 di may 383.

A stî eveke di Tongue et Måstraik.

Vicreye[candjî]

Il esteut årmenyin et skepyî a Paytagaran, e l' redjon d' Chirvan. On n' sait nén si c' esteut s' vraiy no, u purade s' on l' loméve insi a cåze di s' payis di stok.

On n' sait nén si c' esteut s' vraiy no, u purade s' on l' loméve insi a cåze di s' payis di stok, li contrêye di Chirvan, e l' Årmeneye des vîs trevéns.

Sint Serwai fourit on grand pretcheû disconte di l' arianisse. Il a stî a bråmint des raploûs disconte les aryins: e 344 e l’ Bulgareye, e 351 e l’ Edjipe, e 352 a Rome, e 359 a Rimini. Vaila k’ on l’ a metou e prijhon shijh moes po s’ foe.

I fjha camaeråde avou sint Atanaze d’ Alegzandreye (k’ a stî eveke di Trive).

Sint Serwai et l’ Walonreye[candjî]

E walon ons a deus cogne po s' no: li prumire ki vént do latén; l' ôte est come e des ôtes lingaedjes (Servaas e neyerlandès, Servan e galo, Şerban e roumin), ewou gn a pont d' "i".

I paretreut k’ il åreut passé a Sint-Servå-Lin, el Hesbaye. Ey eco dlé Nameur et dire messe la ewou ki l’ viyaedje si lome asteure Sint-Serwai.

Sourdant[candjî]

G. Sfasie, Les sints d' Årmeneye fiestis pamon nozôtes, Li Rantoele, Bontins 2010.