Skepiaedje

Èn årtike di Wikipedia.
Potchî a: naiviaedje, cweri

Li skepiaedje u nexhance u vnowe å monde, c' est cwand èn efant rexhe do vinte di s' mame e s' payelé.

Dins ene fråze, on dit k' Onté u Entéle a skepyî, a vnou å monde, a veyou l' djoû ou a nexhou.

L' efant djusse sikepyî si lome "novea-né".

Po li skepiaedje des biesses, loukîz a djonnlaedje.

Wiktionary-logo.svg

Po des linwincieusès racsegnes sol mot "skepiaedje", alez s' vey sol Wiccionaire

Dijhaedjes[candjî]

Inte grandès djins, on dit : "Li feme Linåd a yeu si efant; elle a on gamén; il ont rieu ene gamene".

Mins, po cåzer ås efants, on djheut purade "Mon Cabu, il ont atchté on ptit valet, ene pitite båshele (ene crapåde)".

Skepiaedje et lwè[candjî]

Li novea-né doet esse rashiou al comene. Asteure, c' est l' docteur k' a-st acoûtchî li payelinne ki dene on papî ki waerantixh li djoû del nexhance.

Davance, on vleut pacô candjî li djoû do skepiaedje. Les efants vnous å monde li 31 di decimbe estént voltî diclårés li 1î d' djanvî. Portant, insi, i pierdént ene anêye a scole ey ås sôdårds, dijheut on.

Fwaire-pårt di skepiaedje[candjî]

Vocial sacwants tecses e walon di fwaire-pårt di skepiaedje :

  • Lucyin a ratchté ene pitite båshele k' on lome "Souzane". Avou l' crijhe, c' esteut meyeumartchî... Freut spès la k' i s' piedreut, ci-la !!! Asteure : bråyes et faxhåds, moståde pattavå... (e moes d' djanvî 2010).
  • Nosse pitite tchawete a-st arivé li 27 d' avri 2010; Zeliye vos dene radjoû amon nozôtes por vos fé conoxhance et lyi dire bondjoû. Si vos lyi vloz ofri ene bistoke, alez fé on toû so l' waibe "råvions_d'_efants.be".
  • On-z est binåjhe di vs fé sawè k' ene pitite Laura a vnou å monde ouy tot å matén adlé nosse fi Colas (e moes d' djun 2010).

Alére[candjî]

J.J. Gaziaux : Amours walones pp. 772-776.