Sorrimetaedje

Li sorrimetaedje, c' est l' uzaedje d' sorrimetant (on dit eto: on sorlatif), ene cogne d' èn addjectif ou d' èn adviebe k' endè mostere li pus hôt des grés.

C' est l' pire anêye k' on a djamåy yeu po les crompires.

Nosse Madi serè todi l' meyeuse.

Mins, e walon, li rmetaedje si fwait pus rade avou des adviebes radjoutés divant l' no.

Dilé les sorrimetants addjectifs, gn a les rmetants (comparatifs) rilatifs et absolus.

Adviebes di rmetaedje

sorrimetaedje rilatif

• C' est l' pus malén k' atrape l' ôte.
• C' est lu l' moens biesse des troes.
• Il a corou d' tos ses pus roeds.

sorrimetaedje nete

On mostere on hôt digré di l' addjectif; on n' cåze nén des ôte sudjets ki serént rmetous a ci-la.

• Dji so tot pierdou.
• Il est foirt anoyeus.
• C' esteut mo plaijhant.
• I sont foû biesses.
• Il esteut noer araedjî.
• Il est percé sot.

Dins des ôtes lingaedjes

Dins les lingaedjes tîxhons, les sorrimetants des ptits addjectifs si fwaiynut pa acawtaedje. Adon, c' est des djivions a pårt.

• (inglès) :

I am the strongest.

Dji so l' pus foirt.

• (neyerlandès)

Zij is de slimmest van haar school.

Elle est l' pus sûteye di si scole.

Hårdêye difoûtrinne

• Sacwants ôtes egzimpes (dins l' Pitite croejhete Hendschel)
• (fr) Sacwants esplikêyes di rawete (dins l' Grosse croejhete Hendschel)