Sôdård di 40 (sovnances)

Sôdård di 40 (Sôdârt di 40), c' est on live di sovnances da Louis Sohy sol guere 1940-1945. Ci n' est nén vormint li vicåreye d' on sôdård, mins li cene d' on prijhnî e l' Almagne.

Li live a stî eplaidî ås edicions do Bourdon e 1965.

Kitaeyaedje do live

Coviete difoûtrinne: avou on dessén nén siné. Li scrijheu mete eto si limero d' prijhnî (P.G. 5521).
p. 5: adrovaedje e francès pa Leyon Wilmotte, mwaisse-sicrijheu al gazete Le prisonnier de guerre.
pp. 7 a 163 : sicrijhaedje:
- pp 7 a 9 : divant 1939.
- pp 9 a 10 : 1939.
- pp 10 a 92 : 1940.
- pp. 92 a 106 : 1941.
- pp 106 a 121 : 1942.
- pp 121 a 131 : 1943.
- pp 131 a 141 : 1944.
- pp 141 a 163 : 1945 (disk' å 16 di may).
p. 163 catchet d' eplaideu, et adresse di l'impimeu, Felicyin Barry.
Coviete dirîtrinne : sins rén dsu.

Les sintimints da Sohy åd triviè do live

Tot åd dilong do live, Louwis Sohi ni djoke nén do raconter come e s' fotant, magré k' il î djåze di grands måleurs. Metans (p. 46) po dire çou k' gn a dins l' sope.

Cwand on n' pout vormint nén tourner l' racontaedje mocresmint, boutans po djåzer del moirt d' on soçon, il est foirt court (p.20)...000

Ses rdjiblaedjes di s' veye di sôdårds et d' prijhnî eviè ses pinsêyes k' ervont tofer a Djilî: il spite åjheymint d' ene a l' ôte.

...come on dit a Djilî a Djilî ? Cwè çki s' passe pa låvå, pol moumint ?

Sohy n' est nén pol breyaedje, et edeurer ses rascråwes:

A cwè bon djemi ? On-z a deus rujhes.

A co del pitiè po les pus målureus k' lu (les Espagnols) :

I s' peként so des saeyeas d' sope po peu poujhî ddins avou les gameles, mågrè les bounès rames k' i ramassént a côps d' pî, a côps d' pougn des cis ki n' fijhént ki disfinde leu racion.

Sins s' disfinde, dj' end a veyou des cés ki breyént; les låmes tcheyént d' leus mashales come des pieles åd triviè des côps. Sins djemi sins rnicter, i nos dmandént pårdon. Oyi, i faleut awè ene pire al plaece do cour po n' nén esse apicî a les tripes.

Hårdêye difoûtrinne

Sacwantès pådjes do live (so l' Aberteke)