Tévé waloncåzante
Èn årtike di Wikipedia.
(Redjiblé di Tévé walon-cåzante)
Li tévé waloncåzante ou Youtube-RTW, c' est ene tchinne di videyos e walon eplaidîs so Youtube. Li mwaisse adierceu del tchinne, c' est Lucyin Mahin.
Gn a des rapoirtaedjes la ki les djins cåzèt e walon, int di zels des respondas di waloneus udon d' ôtes walon-cåzants.
Gn a eto des tchansons e walon.
Ons î trove eto des rapoirtaedjes foû payis, aprume e Marok. Adon, si djins n' cåznut nén walon, i sont, soeye-t i sortitrés, soeye-t i doblés avou on djåzaedje e walon.
Les cåzaedjes e walon sont eto sovint sortitrés.
Les muzikes di fond provnèt sovint des tchansons da Urinda Hernandez (li feme da Yves Paquet) oubén del plake Emacralaedje prodûte pa Pierre Otjacques et l' Rantoele.
