Taekwondo

Èn årtike di Wikipedia.
Potchî a: naiviaedje, cweri

Li Taekwondo ("tchimin do pî et do pougn"), c' est èn årt marciå ki provént del Corêye, eyet ki ravize ene miete li karaté djaponès. Come si no coreyin el mostere, i s' adjixh do s' siervi d' ses mwins eyet d' ses pîs miernous po-z ataker ene sakî ou s' disfinde, avou ses mwins, ses bresses oudobén ses djambes, ca bén k' on-z eploye dipus ses djambes ki dins l' karaté.

Compéticion di Taekwondo

Sacwants mwaisses volèt kel taekwondo rmonte a kéke 2000 ans. Po dire li vraiye, c' est seulmint gn a ene céncantinne d' anêyes k' on pratike li taekwondo tél k' on l' kinoxhe enute. Dispu les Djeus olimpikes di Seyoul (1988) eyet di Bårçulone (1992), li taekwondo esteut on spôrt olimpike di prezintåcion. Enute, c' e-st on spôrt olimpike di competicion.

Onk des egzercices les pus consecants, c' est do fé des pumses (kata el terminolodjeye do karaté). Les pumses sont-st ene shûte di movmints d' disfinse eyet d' atake: on fwait shonnance k'on tourseye avou puzieurs lûteus. On l's aprind par keur eyet les rfé et les rafé po-z amîdrer si assene, esse pus ployant eyet pus roed, eyet mî mwaistriyî les diferins movemints.

Hårdêyes difoûtrines[candjî]

Commons
I gn a so les cmons Wikipedia des imådjes ou fitchîs son a vey avou Taekwondo .