Tazota

Èn årtike di Wikipedia.
Potchî a: naiviaedje, cweri

Wiktionary-logo.svg

Po des linwincieusès racsegnes sol mot "tazota", alez s' vey sol Wiccionaire

Modele veyou do drî

Ene tazota u cazota, c' est ene sôre di ronde måjhon sins cimint, k' on voet do costé d' El Djadida (payis des Douccala), å Marok.

Discrijhaedje[candjî]

Gn a l' air d' awè deus astaedjes, did foû, ca gn a on rastroetixhaedje å mitan. Mins did dins, c' est ene copale ås paroejhes arondeyes, avou kékes trôs po fé fniesse.

Gn a des montêyes po-a aler sol pazea inte li dzeu et li dzo.

Gn a èn ouxh avou on stocaesse soûmint ådzeu.

Les meurs fwaiynut dipus d' on mete di spès.

Uzaedjes[candjî]

Les tazotas estént eployeyes come dimorance po les djins, å cmince. Il î fjheut foirt frisse tins do waernu, et nén trop froed e l' ivier.

Pu, asteure, on n' s' è sieve pus ki come sitåve ou come gregne (po mete do strin).

N a ene tazota k' a divnou on djîsse e viyaedje.

Istwere[candjî]

Elle estént ddja la do tins des Francès (1912-1956), et les temoens d' adon les cnoxhént dedja e 19inme sieke. Li no amazir shonne mostrer ki elle ont stî batijheyes do trevéns ki les djins des Douccala cåzént co amazir.

Les tazotas d' asteure ont stî basteyes disk' ezès anêyes 1960. Les dierins bastixheus sont asteure foirt vîs. N' a pus nouk k' endè sait basti.

Wårdaedje[candjî]

Bråmint des tazotas toumèt e blesse.

Gn a nou programe po les wårder.

Hårdêyes difoûtrinnes[candjî]

Commons
I gn a so les cmons Wikipedia des imådjes ou fitchîs son a vey avou les tazotas .