Tchanson d' djesse

Èn årtike di Wikipedia.
Potchî a: naiviaedje, cweri

Ene tchanson d' djesse, c’ esteut one longue istwere sucrîte pås troveus.

Elle esteut compôzêye du vers du dij pîs ou du doze pîs.

Ça racontéve lu vicåreye, les batayes, les gueres etur waslets et suzrin, les glorieûsès keures des cavlîs del Moyinådje.

Les troveus les contént so les batis des viyaedjes ou dins les tchesteas po les mwaisses et les dmanants.

Come c’ esteut long, on côpéve les tchaptrês pa des bokèts d’ muzike ou des tchansons. Insi, on les pleut passer so deus ou troes shijhes.

Ralonguixhaedje et redjårbaedjes foû payis[candjî]

A fwait k' ça plaijheut, on rmeteut co one intrêye, pu des shûtes, pu des novelès avinteures dins des noveas tchaptrês. Ça fwait ki l’ tchanson d’ djesse s’ alonguixheut todi dpus.

Insi lu paskêye des cwate fis Aimon aveut cumincî avou deus meye vers, pu cwate meye et al fén, lu dierin boket cnoxhou e France è contéve doze meye et disk’ a dî-set meye.

Al longue, l’ istwere passéve les frontires et on-z î meteut des rawetes avou les istweres do pays. On tchandjive des nos avou des nos do pays, et les noveas nos estént adoptés pås djins do novea payis. [1]

Sacwants rlomêyès tchansons d' djesse[candjî]

Sourdants & pî-notes[candjî]

  1. E. Pècheur "Li paskeye des cwate fis Aimon et do tchvå Bayåd", Li Rantoele l° 51, erî-såjhon 2009.