Professeur Titôrvå (binde d' imådjes)
Li Professeur Titôrvå (Profèsseûr Titorval), c' est on persounaedje di binde d' imådjes askepyî po des bédés e walon pa José Schoovaerts, so ene dimande da Joël Thiry.
Li no da Titôrvå vént del fråze : dji boereu voltî on ptit Ôrvå.
Il est purade kinoxhou pal binde d' imådjes k' a parexhou dins l' Avni do Lussimbork, pu come live eplaidî å Muzêye do pårlaedje e l' Årdene e 2011. Ci fourit dandjreus li prumire binde d' imådjes creyeye pår e walon dins l' Province do Lussimbork.
Istwere do persounaedje [candjî]
Les prumirès sayes del bédé ont parexhou aprume dins Singuliers (l° 1/2010) et dins l' Rantoele-gazete (bontins 2010). Pu, a cmincî do 16 d' avri 2010, li vinrdi dins l' Avni do Lussimbork.
El Professeur Titôrvå s' a tchôkî e s' tiesse l' idêye di rmete Hegel e walon. L' istwere (36 pådjes) "Li sinsibe acertinance" s' a edåmé li 24 d' avri 2010 dissu l' arincrin emon "Toudi"... Et rexhe so papî dins l' Rantoele-gazete (l° 59).
Et, adonpwis, n' vola-t i nén ki l' djermale do Professeur si mete a berdeler tot hôt, a môde di ptit fime d' imådjes so Youtube.
Li binde d' imådjes Schoovaerts Thiry [candjî]
Pal voye di cwate dessins, il est d' kession di fé passer ene fråze ki fwait rire et tuzer, sol modele do tchet da Philippe Geluck.
Li sinnario a stî atuzlé pa Joël Thiry, a pårti di sinnes k' il a viké dins si scole di Måtche-el-Fåmene. Et tot la k' i gn av des fåves ki s' racontént.
Hårdêye difoûtrinne [candjî]
- Come fime d' imådjes (so Youtube)
- Prezintaedje sins brut do prof et d' ses scolîs et scolresses (sol tévé des RABULèTS)
- Dins l' redjårbaedje da Hegel
-
Prumî limero avou l' BD e Avni do Lussimbork, li 16 d' avri 2010
