Tobolsk

Èn årtike di Wikipedia.
Potchî a: naiviaedje, cweri

Tobolsk (rûsse: Тобольск) c' est ene veye di 95.000 dmorants (e 2001), ki s' trove e l' Oblast di Tioumen, el Sibereye, Rûsseye. Li veye est sol place ki les aiwes di Tobol eyet d' Irtish si rascontrèt.

Tobolsk fourit fondêye pa Yermak Timofeyevitch e 1585-86, a l' epoke des prumirès avanceyes rûsses e l' Sibereye. Ci divna l' sidje do vice-roy (namestnik) do Tsar el Sibereye; avou les pårtixhaedjes administratifs ki vénront pus tård, Tobolsk va dmorer l' sidje do Govierneu-Djenerå del Sibereye Coûtchantrece disk' å moumint ki ça va esse transferé a Omsk (ezès anêyes 1820-30). Disk' al Revolucion di 1917, Tobolsk fwait di mwaisse-veye pol redjon (guberniya) tot åtoû.

Bråmint d' veyes di sibereye avént l' essegne di Tobolsk å dvins del cene da zels, po mostrer k' ele ricnoxhèt l' otorité da Tobolsk. C' esteut l' cas da Omsk, Tioumen eyet Tomsk; Omsk el continouwe co asteure.

manoye d' årdjint di comemoråcion ki mostere li kremlin d' Tobolsk

Tobolsk c' est l' seule veye di Sibereye — et minme ene des råles di Rûsseye — a co aveur on kremlin (veye-foitresse), metou so ene hôteur sol boird di l' aiwe. Les blancs meurs ki datént del moyinådje, les tours, eglijhes et palås ki copôzèt l' kremlin d' Tobolsk, sont on trezôr nåcionå d' istwere eyet d' årtchitecteure.

C' est eto a Tobolsk ki vina-st å monde li tchimisse Dmitriy Ivanovitch Mendeleyev, kinoxhou come onk des deus syincieus k' ont fwait l' prumire modêye do tåvlea periodike des elemints.

Difoûtrinnès hårdêyes[candjî]

Commons
I gn a so les cmons Wikipedia des imådjes ou fitchîs son a vey avou Tobolsk .