Transliteraedje rûsse

Èn årtike di Wikipedia.
Potchî a: naiviaedje, cweri

Li transliteraedje c' est l' manire di riscrire des mots ou on tecse sicrits dins èn alfabet diferin.

Cisse pådje cial mostere li manire di transliterer les nos d' djins eyet d' plaece rûsses, e caracteres cirilikes eviè des caracteres laténs, al môde do scrijhaedje walon.

Li prumire eyet l' deujhinme colone mostrèt li grande eyet l' pitite lete di l' alfabet rûsse. Li troejhinme colone mostere li syincieus transliteraedje (onk avou on sene diferin po tchaeke lete cirilike, et ki dmeure li minme po tos les lingaedjes) sorlon li nôme ISO 9. Li cwatrinme colone mostere li transliteraedje eployî l' pus sovint pås rûsses zels minmes (c' est ossu a pô près çou k' est eployî en inglès) Eyet li cénkinme colone mostere li cmon transliteraedje pol walon; li manire di scrire les nos rûsses dins on tecse e walon. Pol transliteraedje dins d' ôtes lingaedjes (francès, inglès, almand, evnd) alez vey li wikipedia di ces lingaedjes la.


А      а      a      a      a
Б      б      b      b      b
В      в      v      v      v
Г      г      g      g      g/gu
Д      д      d      d      d
Е      е      e      e/ye   e/ye (ye a l' atake et padrî ene voyale)
Ё      ё      ë      yo     yo
Ж      ж      ž      zh     j
З      з      z      z      z
И      и      i      i      i
Й      й      j      j      y
К      к      k      k      k
Л      л      l      l      l
М      м      m      m      m
Н      н      n      n      n
О      о      o      o      o
П      п      p      p      p
Р      р      r      r      r
С      с      s      s      s/ss
Т      т      t      t      t
У      у      u      u      ou
Ф      ф      f      f      f
Х      х      h      kh     xh (h al lidjwessse, j espagnol ou ch almand)
Ц      ц      c      ts     ts
Ч      ч      č      ch     tch
Ш      ш      š      sh     sh (prononcî ch)
Щ      щ      ŝ      shch   ch
Ъ      ъ      "      (rén)  (rén) (måke di dispalåtijhaede del cossoune di dvant)
Ы      ы      y      y      i
Ь      ь      '      '      y/i/(rén) (måke di palåtijhaedje del cossoune di dvant)
Э      э      è      e      e
Ю      ю      û      yu     you
Я      я      â      ya     ya

Li måke di palåtijhaedje est transliterêye come y pa dvant on i, ou come i pa dvant ene ôte voyale; ou rén pa dvant ene cossoune.

egzimpes:

  • Дмитрий Иванович Менделеев -> Dmitriy Ivanovitch Mendeleyev
  • Дмитрий Дмитриевич Шостакович -> Dmitriy Dmitriyevitch Shostakovitch
  • Ковальов -> Kovaliov
  • Тобольск -> Tobolsk


L' alfabet cirilike est ossu eployî pa d' ôtes lingaedjes; mins li transliteraedje po ces lingaedjes la pout esse diferin (pol Serbe par egzimpe)


NOTE: les transliteraedjes po Х (xh) et copurade Ш (sh) et Щ (ch) porént candjî; si vos avoz des idêyes, dijhoz les sol pådje di copene

Hårdêyes difoûtrinnes[candjî]