crama

Crama pindou å meur come decoråcion

Walon (Rifondou)

Etimolodjeye

Bodje vî grek "kremaster" (pinde ene sacwè), pal voye do latén "cramaculus" (minme sinse); avou l’ cawete « -a », et dabôrd, parint avou l' vî francès "cremail"; mot cité dins l’ FEW 2 1314a.

Prononçaedje

• AFE :
  • diferins prononçaedjes : /kʀa.'ma/ /kʀɛ.'ma/, /kʀə.'ma/ miersipepieuzmint e l’ notule ALW 5.2. (minme prononçaedje cåzu pattavå)
  • prononçaedje zero-cnoxheu : /kʀa.ˈma/
• Ricepeures : cra·ma

Sustantif

singulî	pluriyal
crama	cramas

crama omrin

1. usteye des måjhons did dinltins, avou on feu e l' aisse po pinde les tchôdrons après onk di ses dints, pus hôt ou pus bas sorlon li tcholeur k' on vleut aveur.
   • Rabaxhî l' crama; rimonter l' crama.
   • Al måjhon ki nos cwitans, dijhans lyi: måy nos cours ni roveyront tes meurs ki pierdèt nosse crama. — Nicolas Defrecheux (fråze rifondowe).
   • On pindeut l' crama avou on tchôdron di scroufier åd dibout, et on meteut padzo do bwès k' on alouméve. — Henri Pétrez (fråze rifondowe).
   • Li crama tournéve so ses pindeures po-z amoenner l' tchôdron, li cocmwår et l' cabolea padzeu les andîs. — Joseph Houziaux (fråze rifondowe).
   • Dins les ancyinnès tchminêyes, gn aveut des coleccions d' tchôdrons, d' andîs, di cramas, di tchåfretes. — Pierre Otjacques (fråze rifondowe).
2. fiesse k' on fwait cwand on mousse divins on novea manaedje
   • Dji m' sovénrè do cramea d' èm matante. — Jacques Bertrand (fråze rifondowe). (dins Lolote).
3. diåle (do tchår); aparey po tinkyî les fi d' ronxhes, po saetchî èn åbe djus.
4. pîce avou des acrins
   1. ataetche del tcherowe ås traits, avou des acrins.
      • Magnront i co leu pwin, ashids dsu l' crama d' leu-z eraire ? — Jean Guillaume (fråze rifondowe).

      sistinme d' acrins po régler li foice a dner a tchaeke tchivå dins on landon a deus tchvås.

   2. pîce del direction des otos.

Ratourneures

1. C' est todi l' tchôdron ki dit å crama noer cou, C' est todi l' tchôdron ki lome li crama noer cou Loukîz a : tchôdron.
2. pinde li crama : fé ene fiesse cwand on mousse dins ene novele måjhon (avou u sins feu e l' aisse). On dit eto : rimouyî l' bouket, rimouyî l' houpea.
   • Di ces tins ci, gn a des pindaedjes di crama a totes les lunes.
   • A s’ neuve mêzo, nos avans fêt ribote,
     Lundi passè, tout è pindant l’ crama.
     Poul prumi côp, c’èst la k’ dj’é vû Lolote.
     Rén k’ d’î pinser, sintèz come èm keûr bat
     — Jacques Bertrand, Lolote.
3. On pout bén fé ene bele croes sol crama u : On frè ene croes e crama : on pout fé ene bele croes; c' est åk ki n' arivrè nén tos ls djoûs.
4. fé crama : prinde tote li cagnote (à on djeu).
   • Dispu k' il aveut fwait crama sol Toû d' Beldjike, il end aveut s' sô — Ernest Fivet (fråze rifondowe).
   • I spite evoye e criyant "Dj' a fwait crama"; dayeur, al banke, on pout todi fé crama — Fernand Danhaive (fråze rifondowe).

Parintaedje

• crami, cramion, cramea
• cramiete, cramiote
• ecramyî, ecramiaedje
• discramyî, discramiaedje
• cråmignon

Sinonimeye

• crami, cramion, cramea

Ortografeyes

Divant 1900 :

• crama : E177 (1823)

Après 1900, foû rfondou (Feller, Feller ricandjî, nén Feller) :

• crama : C1, C106, E1, O0, O4, S0, S41, G205
• crèma : G205

E rfondou walon :

• crama : R10 ^(lére), R13

Ratournaedjes

(usteye)

usteye po pinde les tchôdrons

• Almand : Zahnstange ^(de)
• Inglès : rack ^(en)
• Francès : crémaillère ^(fr); on pout bén fé ene grande croes sol crama : c' est un événement inattendu, étrange, extraordinaire; fé crama : gagner, faire bingo, rafler les mises.
• Itålyin : cremagliera ^(it)
• Portuguès : cremalheira ^(pt)
• Rûsse : Кремальера ^(ru)

(fiesse d' intrêye dins ene novele måjhon

• Francès : pendaison de crémaillère ^(fr), inauguration ^(fr)

usteye po tinkyî les fis

• Francès : levier ^(fr) à crémaillère, tendeur ^(fr) à crémaillère

pîce del tcherowe, di l' oto

• Francès : crémaillère ^(fr) (de charrue, de palonnier)

Waitîz eto

Lijhoz l’ årtike crama so Wikipedia