William Dunker

(diviè 2000)

Prumire plinne sitroete plake da Wiyam Dunker

Dicåçtaedje e walon

William Dunker (e walon, on scrît purade "Wiyam") a skepyî li 15 di måss 1959. C' est on tchanteu k' a ranovlé pår li tchanson e walon dins les anêyes 2000. Il aveut cmincî pa s' fé lomer "Alfred", et rprinde des succès classikes.

E 1997, i rexhe ene pitite sitroete plake "Todi sol voye", k' on passe tofer å posse minme foû des emissions walones (çou k' est ene noveaté po des tchansons e walon).

Adon, i s' va mete di soce avou André Gauditiaubois ki va divnou s' mwaisse cåzaedjisse po ene plinne plake lazer "Trop tchôd" (ene des prumirès stroetès plakes di tchansons e walon).

E 2001, i vudnut co zels deus ene novele volêye di tchansons, "Ey adon", avou des muzicyins d' mestî. Copurade Marty Towsend et Kevin Mullighan, deus Estazunyins.

E 2005 i va rçure li tite di Tchivalî des mwins del ministresse del culteure.

E 2007, i rexhe ene novele sitroete plake : Ça va bén.

Wiyam Dunker djåzéve voltî walon avou les waloneus. Si dicåçtéve-t i sovint ses plakes e walon.

Di s' mestî, divant di fé do tchanteu, William Dunker esteut animateur po ls efants.

Hårdêyes difoûtrinnes

• Pådje da Wiyam Dunker (so l' Aberteke)
• Si waibe

• 

  Dessin da Wiyam Dunker dins Rabulets (dessinaedje da José Schoovaerts)

• 

  Ôte dessin ristitchî dins l' minme gazete éndjolike (todi dessiné pa José Schoovaerts)

• 

  Pierre Otjacques ki boet ene cråsse pinte avou l' Wiyam Dunker a Bive