Xhofrai

Èn årtike di Wikipedia.
Potchî a: naiviaedje, cweri

Les Xhofrais (asteure, on dit purade Xhofrai, so plaece, on prononce Hofrê, F. Xhoffraix, almand Sehoffrä), c' est on hamtea d' Bévurcé, k' est côpé e deus pa ene aiwe : Xhofrai dçatrinne (asteure : li ptit viyaedje) et Xhofrai dlatrinne (asteure, li Borbote). Dinltins, on djheut : "ezès Xhofrais. Les dmorants sont lomés Xhofurlins, Xhofurlinnes.

L' etimolodjeye do no vént d' on bodje walon "xhov" (xhover), acmaxhaedje do bodje latén "scopa" (coxhe, ramon) et do bodje flamind "schof" (faxhene, djåbe); cawete latene "-etum"; ristitchî R; tchamp di djniesses u bwès di ptitès beyôles po fé des ramons. Vîs scrijhas: Scofrai (1150), Scofreit (1188), Scofret (1200), Scoffreit (1210), Scoffereal (1188), Scofreal (1389).