Youssef Chahine

Èn årtike di Wikipedia.
Potchî a: naiviaedje, cweri
(e 1986)

Youssef Chahine (en arabe : يوسف جبريل شاهين) a skepyî li 25 di djanvî 1926 a Alegzandreye, et mori li 27 di djulete 2008 å Caire.

C' est on produjheu d' fimes d' Edjipe.

Il ataka a fé do cinema do tins da Nasser. Et préjhî on rwè d' Edjipe k' aveut tnou tiesses ås pus foitès årmêyes di ç' tins la : les Croejhîs et les Mongols (fime "Saladin", الناصر صلاح الدين, An-nasser Salah Ad-din, 1963).

Ké coûte djoye, dabôrd, por lu, cwand les Edjipsyins, aspalés pa tos les ôtes Arabes, ont ramassé ene dobleure al guere des shijh djoûs.

I rcåze dins ses fimes do rcandjmint d' cazake do govienmint da Sadate. Et il aveut cåzu veyou davance si assazinaedje, dins on fime la ki saetchîs a håre et a hote pa des idêyes pår diferinne, ene famile si va etertouwer al fén do fime.

E 1997, i saye di mostrer ki sacwants filozofes muzulmans estént foirt lådjes d' idêyes, dins : "Li vicåreye (da Averoyesse)", المصير, Al-Massir.

E 2007, a 81 ans, Youssef Chahine a co todi s' mot a dire. I vént di mostrer, sins rastrinte, les målès keures del police da Hosni Moubarek (fime "C' est l' disdut", إ هي فوض, hiya fawda).