Seracuze

seracuze haetcheye pa des tchvås u des boûs

seracuzaedje ås deus tchvås

seracuze rifwaite po-z esse atelêye å tracteur

Ene seracuze (pus rålmint: îpe ås rsôrts), c' est ene sôre di grosse îpe avou des arondis dints, saetcheye pa des boûs, des tchvås u on tracteur.

Motlî

Li passaedje å seracuze si lome seracuzaedje (on va seracuzer ^{aschoûtez lu}).

Istwere des seracuzes

L' usteye a amoussî el Walonreye diviè les anêyes 1920. On l' a eployî disk' aviè les anêyes 1980. Adon, elle a stî remantcheye po-z aler so les ptits tracteurs.

Di cisse façon la, on ndè pleut saetchî deus d' on côp.

• 
  haetcheye pa deus boûs
• 
  dobe seracuzaedje å tracteur

Discrijhaedje d' ene seracuze.

L' adire etur ene seracuze et ene îpe, c' est k' les dints del seracuze fijhèt rsôrt et sont montés so èn aessi. Eto, on les pout clintchî tot saetchant so on levî ki tént so on crama. A ç' moumint la, les dints moussèt pus fond dins tere.

Li seracuzaedje

On seracuze so les royes di tcherowe po on prumî ctaeyaedje des royes, et bén sovint, on l' fwait e croes (dins les deus sinses). On rpasse avou ene îpe après, po fé on fén lét al simince et l' ricatchî après l' semaedje.

On pout eto eployî l' seracuze pol ringuiaedje.

Des ôtes ekipaedjes polèt fé l' minme ovraedje : picoteuse et kischoyante îpe.