Joël Thiry
Joël Thiry (e walon, Djowel Tiri), c' est on scrijheu e walon et on bouteu pol walon, k' a skepyî li 19 di måss 1957.
Di s' mestî, il est prof di sgondaire (pol francès) a Måtche-el-Fåmene.
Cårire pol walon[candjî | candjî l’ côde wiki]
E 1999, il a rexhou «Magnaedjes di manaedjes» (Magnèdjes di manèdjes) (1999), des inketes francès-walon so çou k' les djins magnént li long d' l' Aiwe-d'-Oûte d' Oufalijhe disk' a Houton, del guere 1914-1918 disk' ås anêyes 1960.
E 2001, i vude «Zimtêye di boute-boutes», onk des prumîs lives di rcetes e walon. So les trinte-shijh manire di fé a magnî avou des cwayes.
E 2005, i rprind l' moennaedje do Muzêye do Pårlaedje e l' Årdene.
E 2008, il rexhe on live foirt a pårt : «Å ratind-tot».
Si prumî vraiye ouve di belès letes, ci serè po 2008 : «Doze femes», ki l' pindant, «Doze omes» va rexhe e 2011.
Li minme anêye, avou Djozé Schoovaerts po l' dessinaedje, il askepeye li persounaedje di Djustin Titôrvå (Justin Titorval).
E 2012, il a rmetou e walon d' Måtche-el-Fåmene on ptit live d' imådjes di Odysseus, Tchikèt Vénuzyin.[1]
Il a stî eto onk des adjinçneus (avou Chistian Antoine et Michel Terer) del waibe do Muzêye do Pårlaedje e l' Årdene (2013).
E 2014, i rashonne e-n on live totès viyès tchansons d' circonstances ramexhnêyes dins tote li Mîtrinne Årdene : c' est So tchants so voyes.
E 2017, i ratoûne e walon on live d' imådjes da Nadine Fabry, Luciye et l' noere rotche.
E 2019 et 2020, il est l' doetoe po-z adjinçner l' emission e walon «Foû des Rays».
E 2023, i rexhe on gros live so les fleurs di l' Årdene, e francès, mins avou tos les nos walons so ç' sitindêye la, «Fleurs del såvadje Årdene».
Hårdêye divintrinne[candjî | candjî l’ côde wiki]
Hårdêyes difoûtrinnes[candjî | candjî l’ côde wiki]
Li Wiccionaire si rsieve di sacwantès fråzes da Joël Thiry po-z enimådjî des mots k' i gn a.
Vos trouvroz des racsegnes so les ouves da Joël Thiry, u les ouves zeles-minmes, so Wikisourd e walon.- Jowel Tiri come «Tchanteu d' après meynute» (a Tcheyou, li djoû do strimaedje di «Doze femes» (sol Tévé walon-cåzante)
- Pådje avou sacwants d' ses scrijhaedjes (so l' Aberteke)
- Boket di «Doze femes» (sol waibe "Li walon d' emon nozôtes")
- Boket di «Doze omes» (avou ratournaedje e francès) (sol waibe "Li walon d' emon nozôtes")
- (fr) Waibe do Muzêye do Pårlaedje
