Årmilire d' Årdene

Èn årtike di Wikipedia.
Potchî a: naiviaedje, cweri
Anea d' ene djonne årmilire d' Årdene

L' årmilire d' Årdene u foncêye årmilire, c' est on tchampion-åbusson, del famile des årmilires. C' est on près-vijhén di l' årmilire coleur di låme, mins i vént purade so les surès teres, metans e l' Årdene.

On l' voet co pus sovint dins les sapinires, pa grossès taetches. I sont télmint onk so l' ôte kel pî pout fé des djamas.

Come totes les årmilires, c' est on formagnant puvite k' on saprofite. Si pout i ataker l' sapén eyet l' fé crever. Ubén ki l' åbe va aveur on cayeus nieron dins l' cour do bwès.

No e sincieus latén : Armillaria ostoyae (davance : Armillaria obscura)

Discrijhaedje[candjî]

Cwand l' tchampion dvént vî, udonbén al fén del såjhon d' crexhinne (al fén do moes d' octôbe el Walonreye), li pî dvént foncé brun (did la ès-n ancyin no Armillaria obscura).

Biyolodjeye[candjî]

Ciste årmilire la est télmint evayixhante k' i gn a ene seule taetche di 890 ectåres, e l' Oregon ås Estats Unis. Ça dvreut fé on pwès di 605 tones. Si on dit ki c' est ene seule vicante sacwè, c' est lu k' a seur li rcôrd do monde di biyomasse.

Eployaedje[candjî]

On l' magne bén, copurade les ptits. Si on prind les pus grands avou, elzès fåt bén cure. Ôtmint i dmeure cobén so li stoumak.

I s' wåde foirt bén, mime 4 a 5 djoû dins ene froede plaece.

Cwand on l' code dins les sapinires, i nel fåt nén ddja rnetyî; djusse scheure les picas d' sapéns.

Come formagnant[candjî]

Come formagnant, il atake pus voltî les douglasses et les årdjintés sapéns.


Commons
I gn a so les cmons Wikipedia des imådjes ou fitchîs son a vey avou Årmilire d' Årdene .