Études phonétiques sur le parler wallon d'Oreye

Studia Warnant sol fonetike do walon d' Oreye

Li Studia Warnant sol fornetike do walon d' Oreye, ki l' tite e francès, c' est Études phonétiques sur le parler wallon d'Oreye, c' est on live k' a rexhou e 1953 (di l' imprimreye Georges Michiels a Lidje), et k' a stî scrît pa Léon Warnant.

Sudjet

Li studia poite sol longueur des voyales (pp. 7-92) et des cossounes (pp. 93-140) dins les mots do walon, cåzé avou l' accint d' Oreye (Hesbaye lidjwesse).

Manires di fé

Li scrijheu a eployî des tecnikes foirt sipepieuses (aparey Rousselot), dins on laboratwere especialijhî dins ces studias la, a Paris, dizo l' acviernance d' ene rilomêye sincieuse di fonetike, Marguerite Durand.

I s' adjixh d' ene eboutcheure (come li cene d' ene trompete) shuvowe d' on traitoe, pu d' ene touwire ki evoye les candjmint d' pression d' l' air a ene toelete di cawoutchou. Cisse-lale frumjheye, ey evoye ses frumjhaedje a ene ponte ki grete on papî d' warsele colé so on tournant cilinde.

Po muzrer les frumjhaedje des coides del vwès, il eploye l' aparey Zund Burget, ki c' est des ptitès boesses covrowe d' ene toelete, ki sont-st aplakêyes des deus costés del gaviote.

C' est lu-minme ki cåze. I cnoxhe foirt bén l' walon come on l' djåze a Oreye. Avou ça k' i fwait ses sayes divant di studyî les rzultats.

I repete tchaeke mot troes côps.

Studiaedje des voyales

I studeye li longueur des voyales, sorlon leu pôzucion divins l' mot, et leu resconte avou totes sôres di cossounes.

Studiaedje des cossounes

I studeye li longueur des cossounes sorlon leu pôzucion dins l' mot et leu resconte avou des ôtès cossounes et voyales.