Ônoe (toponimeye)

Pådje des mots «ônoe» et «ônea» et leus parints e l' toponimeye do walon

Èn ônoe, c' est on bwès d' ôneas. Gn a sacwants plaeces lomêyes daprès cist åbe la e l' toponimeye do walon.

ônea

Viyaedje

• Hulzônea

Nos d' plaece

• rowe des ôneas
  • Belvå-dlé-Rotchfoirt (fr. rue des Onais)
  • Viyé-so-Smwès (fr. rue des Aunés).
• Årveye: a l' ônea (la-minme: a l'ônê, fr. Onai)
• Nîme: ås Ôneas (la-minme, a ls On.nês)
• Zôrbrôte: Gros Ônoe (la-minme: Grôneû, ene plaece sol Fagne Walone)
• Li Grande Flémåle: e l' Ônoe ((la-minme: è l' Ôneu)

Nos d' måjhons

• Viyaedje: Les ôneas (fr. Les Aulniats), no d' èn ancyin cafè
• Wibrin: Park «Les ôneas» (fr. Les Onays), måjhons d' vacances.

• 
• 
• 

ônoe

Hamteas

• Palijhoû: Lônoe (la-minme: Lon.nè, avou l' cawete «-è», cogne del Basse Årdene et do Condroz namurwès del cawete -oe; u Lônwè avou l' cawete «-wè» cogne namurwesse, cial dandjreus rifwaite a pårti do francès Launoy).

Nos d' plaece

• Beurdene: rowe di l' ônoe (la-minme, a l'ônû, avou l' cawete «-û», cogne do Condroz et del Viye Såm del cawete -oe; fr. rue ONU)
• Gône: Sårt d' ônoe (fr. Sart Donneux)
• Ôdegne: voye di l' ônoe (la-minme, l'ôneû, avou l' cawete «-eû», cogne lidjwesse del cawete -oe; fr. Route de l'Auneu)
• Tchåmont: l' Ônoe (la-minme: a l'Ôrnwè avou l' cawete «-wè», cogne namurwesse del cawete -oe, F. L' Ornoi).
• Tchinnêye: e l' ônoe (la-minme è l'ôneû, fr. Lhonneux, avou atroclaedje di l' årtike).
• Tirimont: e l' ônoe (la-minme o l' Ôneû).

• 
  l' ônû
• 
  voye di l' ôneû

ône

Li mot «ône», bén pus råle ki «ônea», si trouve sovint atroclé avou li loyaedje fornetike do shuvion «lès-ônes», çou ki dene èn emacralé mot «zône».

Viyaedje et comene

• Ône

Nos d' plaece

• Mårciene: ås Ônes (la-minme: a Zône = a-z-aunes, fr. Zone).
• Måmdiy (veye): e ls Ônes (la-minme: ol zône).

Notule diyalectolodjike

Ces deus mots la ont l' avantaedje di rprezinter les disfondowes des betchfessîs ea (ônea), oe (ônoe) et ô (ônea et ônoe) pattavå l' Walonreye.