Arnold Hauwaert
Arnold Hauwaert, c' esteut on scrijheu e walon.
Il a skepyî a l' atacmint des anêyes 1930.[1]
Di s' mestî, il esteut gaztî, ey adon scrire purade e francès.
Ouve pol walon
[candjî | candjî l’ côde wiki]Il a bråmint scrît del prôze nén racontrece dins l' Chwès, mins eto dins La Dépêche de Wallonie a tchvå so les anêyes 1990 eyet 2000.
Ci fourit onk des prumîs scrijheus e walon a n' si nén emayî des rîles di belès letes, et scrire des sacwès k' on lét et k' on-z aprind åk.
I ratournéve voltî des papîs d' istwere. Il a eto tradût bråmint des pådjes do live Cent Wallons du siècle di l' Institut Destrée.
Corwaitaedje
[candjî | candjî l’ côde wiki]Li walon da Arnold Hauwaert est ene miete francijhî, come li ci di beacôp des scrijheus di prôze nén racontrece. Pol croejhete, i stitche mo sovint l' addjectif divant l' no, minme po les addjectifs calkés enawaire do francès.
C' esteut on classike filologue.
Il aveut des liberålès idêyes[2]
I shuveut insi on clintcha k' aveut-st ataké dins les anêyes 1990, pa des scrijheus do Chwès et des WASAB, et s' porshuve e 21inme sieke del pårt des noûcåzeus.
Hårdêyes difoûtrinnes
[candjî | candjî l’ côde wiki]- (fr) Lete a Michel Francard (al shûte do live «Wallon, picard, gaumais, champenois, les langues régionales de Wallonie»
Li Wiccionaire si rsieve di sacwantès fråzes da Arnold Hauwaert po-z enimådjî des mots k' i gn a.
