Achille Mossiat

Èn årtike di Wikipedia.
(Redjiblé di A. Mossiat)
Sauter à la navigation Sauter à la recherche
Coviete di "Kimaxhreyes"

Achille Mossiat a skepyî li 9 d' octôbe 1870 et mori li 11 d' octôbe 1937.

C' esteut on scrijheu d' arimés s e walon di Måtche-el-Fåmene.

Mossiat n' a nén stî rprind dins l' grosse antolodjeye da Piron.

Ouve pol walon[candjî | candjî l' côde wiki]

I ramexhna ses powinmes dins cénk volumes, lomés "Kimaxhreye" (Kimachrèye) (1927), "D' ene coxhe so l' ôte" (D' one coche so l' ôte); "Avou rime et råjhon" (Avou rime et rèson); "A l' avire mins nén al hape (A l' avir mins nin al hape); "Bråmint di tot".

Diyalectolodjicmint, les scrijhaedjes da Mossiat dinèt des foirt clapantès racsegnes so l' accint d' Måtche, djusse metou a l' aschate do Payis d' Lidje, do ci d' Nameur et del Basse-Årdene.

Corwaitaedje des arimés da Mossiat[candjî | candjî l' côde wiki]

Motlî[candjî | candjî l' côde wiki]

Li motlî da Mossiat e-st assez ritche, mins gn a ene peclêye di francijhas dins ses tecses.

pîtaedje[candjî | candjî l' côde wiki]

Li pîtaedje n' est nén todi bon.

Vola les vacnces houte
Vos fåt rprinde li haerna
Po-z atinde vosse bute,

Mins kécfeye k' i prononcive a målvåt les halcrosses E :

Po-z atinde vosse bute

Sitîle[candjî | candjî l' côde wiki]

Li stîle et l' emantchaedje des fråzes si raprotchèt foirt do francès, come c' est l' alaedje adon, divant l' arivêye del djermêye 48.

  • plaçaedje do sudjet dirî d' viebe :
Cwand rvénront les vacances
Po : cwand les vacances rivénront.
I m' fårè, d' on minisse
Li boûsse po vos ctaper.
Po "I m' fårè li boûsse d' on minisse po vos ctaper."

Hårdêye difoûtrinne[candjî | candjî l' côde wiki]