L'Acadèmîye dès FOYANS d' Cèrfontène (gazete)

Academeye des Foyons d' Cerfontinne

on limero d' 1999 ey èn ôte di 2011

L' Academeye des Foyons d' Cerfontinne, ki l' vraiy tite, c' est L'Acadèmîye dès FOYANS d' Cèrfontène ou Cèrke Arthur BALLE, c' est ene gazete e walon k' a parexhou dispu 1992 disca, pol moens 2011.

Elle esteut eplaideye på « Ceke Arthur Balle » (soce sins papîs), dizo l' cogne di foyes A4 agraptêyes.

Sicrijheus ey responsåves

Li mwaisse eplaideu, c' esteut André Chauvaux.

Onk des scrijheus les pus vayants, c' esteut Claude Delizée.

Brigitte Hosslet sicrijheut avou, et aidî a l' ortografeye.

Maurice Vray î srijha do diccionairaedje.

Contnou

I replaidît voltî des vîs powinmes da Arthur Balle. Eto des cis da Philippe Maudoux.

Gn av des ptitès prôzes et del powezeye. Les teccses da Claude Delizée shuvént al lete l' ortografeye do motî d' Cerfontinne (sistinme Feller-Balle). Pacô, i rmeteut a s' môde des scrijhaedjes di djins do cotoû (Ôlwè…).

Les tecses da Brigitte Hosslet estént rashious so l' accint d' Fraire.

Gn av eto des bokets d' on live di croejhete, ricopiant on papîscrît da Arthur Balle lu-minme. Pu des spepieus bokets esplicant mot a mot on ptit tecse e walon (pa André Chauvaux).

On î trovéve ossu do diccionairaedje: des bokets do franwal di Cerfontinne, et eto des rashonnaedje pa tinme. Metans èn interessant franwal di medcene da Maurice Vray.

Come djeu, i dmandént di ratourner ene dijhinne di mots francès. Li vudindje n' esteut dnêye k' å limero d' après.