Aidance videyo å referé (fotbal)

L' Aidance videyo å referé u aidance videyo a l' årbite, pus cnoxhowe dizo l' sike «VAR», c' est on sistinme di filmresses metowes a diferins pont d' on terén d' fotbal, ki l' referé pout aler waitî cwand i n' a nén bén veyou ene accion ki pôreut amoenner on pûnixhmint (penalti, corner…, djaene cwåte a on djouweu).

Istwere

Å cmince, gn aveut toplin des djins k' estént disconte, forbatant ki ça aléve casser l' djeu. Et rastrinde li povwer di decidaedje di l' årbite. Mins cåze di måhonteusès flotches d' årbitraedjes, il a stî accepté dins les anêyes 2010, sorlon l' idêye d' ene pus grande djustice dins les pårteyes.