Åbeye

Pol discramiaedje des årtikes avou l' mot « åbeye, Åbeye et abeye », loukîz cial.

Ene åbeye (ossu ene alôze, ene balowe), pus spepieuzmint, ene vraiye åbeye, c' est on pexhon voyaedjeu ki dmeure dins les oceyans, mins ki vént froyî ezès mouzes.

Sincieus no d' l' indje : Alosa alosa

Discrijhaedje

I mzeure disca 60 cintimetes. Mins s' grandeur ordinaire cwand on l' pexhe, c' est 40 cintimetes.

Vicansté

E 17inme sieke, metans, on prindeut ostant d' åbeyes k' on vleut a l' egoleure d' on mouze come l' Aiwe do bontins (a Azemmour, å Marok):

On î prindeut tant d' pexhons, aprume des åbeyes, k' on ahessive totes les provinces do vijhnåve eyet l' veye di Marakech.

E 19inme sieke, end aveut co bråmint ki rmontént Mouze, come endè temognèt des diccionairîs do walon

C' est e moes d' may k' on pexhe ås åbeyes.

Les åbeyes rimontèt Mouze ey Escôt, leus bråmint, tins des moes d' avri et d' may, po-z î freyî. Ele ni rmontèt nén pus lon ki les lådjès rivires, et n' î dmorèt nén lontins.