Veganisse

Cisse pådje ci n' est co k' on djermon, dj' ô bén k' el pådje est djusse sibåtcheye, eyet co trop tene ; et s' divreut ele ecråxhî ene miete. Si vos avoz des cnoxhances so ç' sudjet ci, vos nos ploz aidî, clitchîz sol loyén « candjî l' pådje » po radjouter des informåcions.

On metingueu tént ene plake, wice k' il est scrît : « Nos statans d' acater, i statnut d' dihoter : divnoz vegane ».

L' amindjî vegane, k' on pout lomer « veganisse » eto, c' est ene manire di mindjî. L' adierça, c' est di schouwer d' awè des prodûts vnant directumint des biesses. Cwek' telcôp, el veganisse, c' est on vicaedje a lu tot seu.

Istwere

El mot « vegane » eyet ses pareys ont stî metou å dvant-plan, e 1944, avou l' askepiance del Vegan Society. Kécfeye ki l' idêye do veganisse rmonte a Pitagôre, virpus a Akenaton. Seulmint, les prumîs « veganes », ci fourît les djins preyistorikes, mins c' esta purade, ca i polît nén mindjî del tchå åjheymint.

L' amindjî vegane a divnou foirt peuprece a l' atake do vint-ey-oninme sieke, dins l' pårteye coûtchantrece del Daegne. Come di djusse, di pus e pus di djins divegnnut veganes. Il egzistêye ene pekêye di råjhons : amiståvté eneviè les biesses, ecolodjeye, santé, veypus li rlomêye del môde avou les rantoeles di soçnaedje ey amon les rlomêyès djins.