Astérix amon lès Bèljes
Asterix amon les Bedjes (Astérix amon lès Bèljes) c' e-st ene binde d’ imådjes sicrîte pa René Goscinny et enimådjeye pa Raoul Cauvin e 1979.
E 2022, on redjårbaedje e walon da Paul-Henri Thomsin mousse foû al måjhone d' eplaidaedje Noir Dessin Production.
Istwere
[candjî | candjî l’ côde wiki]Ordalfabetix, li tchîf do viyaedje divént tot dismonté cwand-z aprind ki Djule Cezår a dit ki : « Di tos les peupes del Gåle, les Bedjes sont les pus valureus », fråze k' i scrijha podbon dvins si live «Li Guere des Gåles».
Ossu, s' apinse t i d' endaler prover ås Bedjes ki c' est lu l' pus bråve, aconcoisté pa Asterix et Obelix.
Corwaitaedje di l' ouve
[candjî | candjî l’ côde wiki]L' ouve oridjinåle e francès
[candjî | candjî l’ côde wiki]Li live ridoxhe di referinces al Beldjike di dvins l' tins e do vî tins.
- Li fråze da Djules : « Di tos les peupes del Gåle, les Bedjes sont les pus valureus » (horum omnium fortissimi sunt Belgae), si rtrouve tot al kimince di s' live «Li Guere des Gåles». Pol cåze li tecse etir da Cezår ni platchtêye nén vormint les Bedje totafwait diferins des cis d' ouy pol rawete. I djustifeye leu bråvté pask' i s' divèt todi bate avou les Tîxhons et k' les martchands romins n' elzî vind nén des martchandeyes po lzès « feminijhî ».
Li redjårbaedje e walon
[candjî | candjî l’ côde wiki]Li redjårbaedje e walon si dispårtixh sovint do mwaisse tecse e francès.
Å shijhinme foyou, li tchanson francesse est riplaeceye pal tchanson walone : «Foû des rays»