Atriplex halimus

Bouxhon des sés des payis del Mîtrinne Mer

riplantés lanawaire pa bouturaedje

Li bouxhon des sés des payis del Mîtrinne Mer u, pus courtinnmint, sånibouxhon mîtrinnmerrin, c' est on bouxhon di l' indje des atriplés, k' on rplante voltî come håye u come asclawant d' terén dins les payis del Mîtrinne Mer.

Sincieus no d' l' indje : Atriplex halimus

• 
  foye
• 
  djonne flormint
• 
  pus vî flormint

Crexhaedje

I rvént co åjheymint pa bouturaedje, minme di l' esté (mins il a pus deur di l' ivier). Il edeure des teres salêyes, metans les såvlons des boirds di mer, u les dunes di såvlon des boirds di wastene.

Ses coxhes poûsnut tocosté, et sont foirt flåwes.

S' i sont sotnous d' ene manire u d' l' ôte, i plèt crexhe troes cwate metes hôts.

Uzaedjes

Po fé des håyes bén rtaeyeyes, elzî fåt mete des sistinmes d' astocaedje (treyisses).

Les roemiants les betchtèt voltî.

On l' riplante so les dunes di såvlon po lûter conte l' avanceye des wastenes (dizertifiaedje).