Le avventure di Pinocchio Storia di un burattino (live)

Les aviretes da Pinokio / Lès-avirètes da Pinocchio

Mwaisse eplaidaedje

ratournaedje e walon (2025)

Les aviretes da Pinokio, e-n itålyin Le avventure di Pinocchio, sortitré Storia di un burattino (istwere d' ene marionete), c' est on live sicrît pa Carlo Collodi. Il a stî eplaidî pol prumî côp e 1883.

Pinokio, li poplinete di bwès askepieye pa l' oteur, va divni on rlomé persounaedje do teyåte di marionetes.

• 
  e-n inglès (1909)
• 
  e-n esperanto (1930)
• 
  replaidaedje e-n itålyin (1948)

Racourti

C' est ene istwere po ls efants, po les fé schoûter et ndaler a scole.

C' est on fjheu d' plplinetes di bwès k' est ki fabrike on sudjet. Mins totenoncô, ci-ci kimince a cåzer. C' est Pinokio k' a skepyî, et s' pa, c' est li sculteu d' marionetes, Djepeto.

I va bénrade rigreter d' aveur fwait èn arsouye insi. Diré l' prumî djoû, Pinokio schipe des mwins di s' pa, et pete evoye fé des biestreyes avå les voyes. Tot å long do live, ci serè djourmåy des bounès rezolucions (aler studyî, rintrer a tins e l' måjhon…) shuvowes di rtcheyaedjes dins les arnåjhreyes. Kimint tot çoula va-t i fini ?

Ratournaedje e walon

Li live a stî rmetou e walon pa Jean-Luc Fauconnier sol tite «Lès-avirètes da Pinocchio».

Il a stî renimådjî pa Jacques Raes, avou des desséns foirt diferins des oridjinås. Insi, il a stî eplaidî ås Edicions Tintenfass e 2025 (ISBN 978-3-98651-106-7).

L' ovraedje est shuvou d' on motlî d' ene vintinne di pådjes, rashiou come l° [O108] dins l' djivêye des motîs do walon.