Ben Genaux
(Redjiblé di B. Genaux)
Ben Genaux a skepyî e 1911 et mori e 1996. C' esteut on scrijheu e walon, d' arimés eyet d' prôze.
Eplaidaedjes[candjî | candjî l’ côde wiki]
Il a eplaidî ses prumîs lives tins del guere di 40. Insi "27 å cwåtron" vude e 1941, eyet "Kegn 42" - ene djivêye di portraits di scolîs - rexhe, come si tite el dit, e 1942.
E 1969, i va fé parexhe on live d' arimés, riloyî sol pitit costé : "Skernaxhes", avou on otoportrait sol coviete.
Riprins dins l' grosse antolodjeye da Piron et dins l' Antolodjeye Scrire.
Il a eto scrît des lives e francès.
Di s' mestî, il esteut mwaisse di scole (a Lere), et, di s' pasmint d' tins, dessineu.
Il a stî eto l' professeur do pondeu Philippe Dubois.