Blanc Bleu Walon

Èn årtike di Wikipedia.
(Redjiblé di BBB)
åmayes BBW å tchamp
des agaesses so ene vatche BBW

Li Blanc Bleu Walon u BBW (bébéwé)[1], oficirmint Bleu Blanc Bedje ou BBB (bébébé), c' est ene raece di bovrins k' a stî relîte djeneticmint el Walonreye e 20inme sieke, po ndè fé li leccion des grossès biesses al tchå.

Mins les biesses di peure raece ni polnut pus veler tote seules, ca c' est tos veas cou-d'-polén. Fåt a tot côp botnirer (fé ene cezaryinne).

Cotes[candjî | candjî l’ côde wiki]

Li cote cafloreye bleu, tipike del raece, ni pout nén esse relîte djeneticmint, ca c' est on djinne dôminé. Les djinnes peurs sont l' peur blanc (BB) et l' caflori noer (NN). Li bleu pwel vént di l' eterozigote «BN».

Ôtès piceures del raece[candjî | candjî l’ côde wiki]

Rindmint d' botchreye : 65 a 70 åcint (les raeces ordinaires fijhèt tot bounmint 50 åcint).

Crexhance : les gayets, crexhous come tetåds, avnèt åjheymint ås 600 kilos a èn an.

Epoirtaedje foû payis[candjî | candjî l’ côde wiki]

Li raece a stî adoptêye el Flande dispu l' mitan do vintinme sieke.

Après côp, a pårti des anêyes 1970, elle a stî espôrtêye tocosté. La k' gn aveut pont d' årtisses ou d' tecnicyins capåbes di fé les cezaryinnes, les acleveus aprindént a lzès fé zels-minmes.

Mins, po l' espôrt, on tchoezixh purade des gayets nén trop tournés. Insi, les veas croejhîs a 50 åcint passèt co åjheymint, si l' vatche a do passaedje po fé.

Dins l' lingaedje walon[candjî | candjî l’ côde wiki]

Li bleuwe cote del raece diveut esse ene rålisté, pask' elle a dné ene ratourneure e walon :

Dji nel dinreu «nén co po ene bleuwe vatche», mostrant li precieusté d' on bén.

Sourdant[candjî | candjî l’ côde wiki]

Commons
Commons
I gn a so les cmons Wikipedia des imådjes ou fitchîs son a vey avou les Bleus Blancs Walons .
  1. Ribatijhaedje cial so Wikipedia walon.