BN Light Rail Vehicle

Deus motrices, a Anderluwe Caliguluk.

Li BN Light Rail Vehicle, racourti e BN LRV, c' est ene rame po les rantoeles di trams eyet di ledjirs metros. Ci rame ci ont stî askepieye på société ki s' lome La Brugeoise et la Nivelloise.

Istwere

Fén del dijhnêye 1970, les Vicinås volént ernovler les motrices di tram yet di ledjir metro. Foû del Beldjike, La Brugeoise et la Nivelloise end a vindou å Ledjir metro d' Maynila.

A l' atake des anêyes 2020, el TEC rtape les motrices d' ès rantoele. On-z a dmandé a l' ujhene d' Alstom ki si trouve a Fleuru po s' ocuper d' ça, minme si ene mitan d' l' ovraedje si fwait dins les atelîs tchålerwetîs do TEC. Do costé di De Lijn, el societé publike flaminde a rsaetchî foû les cis k' estént co al Coisse. Ene miete dvant li 23 di setimbe 2023, leu dierin djoû, gn aveut co doze motrices dinsi ki rôlént drola.

Adjinçna

Normåldimint, el societé k' a fabriké les LRVs, La Brugeoise et la Nivelloise, voleut fé askepyî des motrices avou troes reyons. Inte di yeusses, gn åreut yeu èn acordeyon. Mins nerén, les Vicinås ont inmé mî d' awè des motrices avou deus reyons. Les Vicinås ont comandé ces rames la, li 18 di may 1977.

Li dvant-modele aveut tolminme troes reyons. Sol droete del rame, i gn a cénk poites : 2 å dvant, 2 å drî ey 1 å mitan. Li dvant-modele esteut lomé « 6000 ». El binde des 6000, c' esteut pol rantoele del Coisse. Dins ces rames la, i gn aveut k' on posse di moennaedje, conte deus po les cis del rantoele di Tchålerwè.