Baife

Baife ^{aschoûtez lu}, c' est èn ancyin ptit ban del Walonreye, rebané avou Rindeu, e l' province do Lussimbork.

cafè

Mwaissès dnêyes

• Dimorants: 335 (1801); 377 (1821); 464 (1846, recråxheye di Mågonster et Trînå), 393 (1910), 191 (1961), 186 (1976).
• Limeros del posse :
  • asteure : 6987
  • davance : 6992
• Limero diyalectolodjike : Ma 24 (mwaisse pont d' l' A.L.W.).
• Arondixhmint: Måtche-el-Fåmene

No di des plaeces di Baife

Hamteas

• Bardonwé
• Trînå
• Mågonster
• Wé d' Tcheyou.

Djeyografeye

Aiwe d' Oûte a Baife

Baife est metowe sol droete erive di l' Aiwe d' Oûte.

Istwere

Baife dipindeut del coû del Såte (Derbu), mins ele n' î esteut nén raloyeye (inte les deus, gn aveut l' signorreye di Swè.

Ci n' esteut k' on ptit viyaedje, avou 24 måjhons e 1766 (mape di Ferraris).

Ele divna comene dizo l' redjime francès (après 1795).

Dizo l' redjime holandès (1823), Baife si recråxha di Mågonster et Trînå.

Baife ni fourit raloyeye a Rindeu (metou sol gåtche erive di l' Aiwe d' Oûte) k' e 1913, cwand on bastixha on pont (a Bardonwé).