Batreye di Malplaket

Li Batreye di Malplaket, c' est ene batreye k' a-st avnou a Malplaket (Malplaquet), el France, nén lon erî d' Mont, li 11 di setimbe 1709, wice ki les Francès ont stî batous pås aloyîs (Inglès eyet Otrichyins).

Ôtès racsegnes

Les Francès estént cmandés på marixhå De Villars; les Inglès pa John Churchill, duk di Malbrouk, eyet ls Otrichyins på prince di Savoye.

Gn ourit bén 30.000 moirts.

Rilomêye do mot

Li mot a passé e l' toponimeye do walon

• Transene: on-z a lomé insi ene plaece dins les bwès, motoit la k' on-z aveut touwé bråmint do djibî a ene tchesse (come po ds ôtes batreyes avou bråmint des moirts k' on dné des nos d' plaece, come Balaclava, Sebastopol).
• Longveye: li Malplakêye, c' est ene grosse gregne a l' intrêye do viyaedje, tot vnant d' Tourene, avou ene grande rastroetixheure dins l' toet, tantea k' on î raconte ene fåve do Diåle maçon.