Blanc djudi
Li blanc djudi[1] u djudi d' Påke u djudi des setès eglijhes u djoû des setès eglijhes[1][2] u djoû des monumints, c' est l' djudi del poenneuse samwinne. Adon, troes djoûs divant Påke.
Dins li rlidjon crustinne
[candjî | candjî l’ côde wiki]I rmimbere li djoû del dierinne cinne, la k' Djezu-Cri lava les pîs d' ses apoisses. Et magnî do pwin sins lewin.
Dins les uzances
[candjî | candjî l’ côde wiki]C' est l' djoû k' les clotches evont a Rome (po esse beneyes do Påpe).
Elle endè vont tins k' on tchante li gloriyå a messe. Ça fwait k' a ç' moumint la, el mårlî soune ås clokes et les sierveus kischoyèt leus sounetes.
A pårti d' adon, les tarteles replaecèt les xhiletes dins l' eglijhe. Sifwaitmint cwand les åcoletes passèt dins les rowes a l' eure di l' andjlusse u po houkî a èn ofice.
A Nameur, on fjheut des rpoizoes.[3]