Boloe d' esté

Èn årtike di Wikipedia.
(Redjiblé di Bolet d' esté)
Potchî a: naiviaedje, cweri
Boloe d' esté
Boletus aestivalis (Foto: Jean-Pol Grandmont).
Boletus aestivalis (Foto: Jean-Pol Grandmont).
Classifiaedje syintifike
Ringne: Fungi (tchampions)
Ecoxhmint: Basidiomycota
Classe: Homobasidiomycetes
Dizo-classe: Gasteromycetideae
Ôre: Boletales
Famile: Boletaceae
Djinre: Boletus
Espece: aestivalis

Li boloe d' esté, c' est on tchampion, clapant a magnî, k' on rescontere cwand il a fwait waerneus (foirt tchôd et pu ene miete crou), dins les clairs bwès ås foyes (copurade addé les ptitès trokes d' åbes ki leyèt passer l' loumire do solea et s' tcholeur).

Discrijhaedje[candjî | candjî l' côde wiki]

Tchampion k' a on tchapea bombé et vroûlté (7 a 20 cm), bén e tchå, di coleur paye a brun, åyant sovint cwand i fwait setch des crevådes e cwåreas, avou des blankès buzetes ki verdixhèt e divnant pus vî et des ronds pôres del minme coleur, on vintrou pî (6-20 x 2-5 cm) di coleur brun-clair poirtant on seré blanc mayaedje (reticulaedje).

Li tchå di coleur blanke est spesse et dmeure bén deure mins djaeni e divnant pus viye. Il a ene plaijhante odeur et ene saveur sovint ene miete soucrêye.

Målureuzmint po les micofadjes, s' i n' est nén codou tot djonne, Il est sovint ataké a pårti do pî djusk' a l' miercopete do tchapea pa les molons.

I vént al tere dins tos les clairs bwès a foyes (en associåcion avou les hesses, les tchinnes, les castagnîs et les tchårnales), di l' esté a l' fén d' l' årire-såjhon.

Eployaedje[candjî | candjî l' côde wiki]

C' est on prumî tchampion, minme si s' tchå est ene miete pus mole ki l' cene des ôtes boloes.

Bibliografeye[candjî | candjî l' côde wiki]

Tites des lives e francès k' i gn a avou pus di racsegnes so ç' tchampion la:

  • Régis Courtecuisse, Bernard Duhem: Guide des champignons de France et d'Europe (Delachaux & Niestlé, 1994-2000).
  • Marcel Bon: Champignons de France et d'Europe occidentale (Flammarion, 2004)
  • Dr Ewaldt Gerhardt: Guide Vigot des champignons (Vigot, 1999) - ISBN 2-7114-1413-2
  • Roger Phillips: Les champignons (Solar, 1981) - ISBN 2-263-00640-0
  • Thomas Laessoe, Anna Del Conte: L'Encyclopédie des champignons (Bordas, 1996) - ISBN 2-04-027177-5
  • Peter Jordan, Steven Wheeler: Larousse saveurs - Les champignons (Larousse, 1996) - ISBN 2-03-516003-0
  • G. Becker, Dr L. Giacomoni, J Nicot, S. Pautot, G. Redeuihl, G. Branchu, D. Hartog, A. Herubel, H. Marxmuller, U. Millot et C. Schaeffner: Le guide des champignons (Reader's Digest, 1982) - ISBN 2-7098-0031-4
  • Henri Romagnesi: Petit atlas des champignons (Bordas, 1970) - ISBN 2-04-007940-8
Commons
I gn a so les cmons Wikipedia des imådjes ou fitchîs son a vey avou l' boloe d' esté .