Charles Bicheroux

Èn årtike di Wikipedia.
(Redjiblé di C. Bicheroux)

Charles Bicheroux (ou, come el dijheut lu-minme, Tchåle), esteut-st on fjheu d' arimés e walon.

Il ataca-st a scrire e 1909, la k' il evoya, po on concours di prôze emantchî pal gazete "Li Coucou" di Serè, troes ouves, k' ont tertotes riçuvou ene mincion.

Mins i pinséve k' i scrijheut må l' walon. Ça fwait k' il ala trover Djôzef Vrindts ki lyi consia d' moussî dins ene soce literaire; c' est insi k' nosse Tchåle moussa ås "Djonnes Oteurs Walons".

I scrijha bråmint, mins come li soce n' eplaidive k' on côp tos ls ans, i gn aveut bråmint des scrîts (da lu et da des ôtes soçons) ki n' rexhént måy.

Ça fwait k' il amonta, avou Lucyin Motmans di Gravioûle, ene gazete, "Nos pinsêyes", ki rexheut on côp l' moes, dj' ô bén 12 limeros l' an, di 1921 a 1940.

Pus tård, i moussa al «Walone», k' eplaida ene ramexhnêye di ses scrijhaedjes dizo l' tite "Œuvres Wallonnes".

On pout rlever k' i scrijha lu-minme èn adrovaedje, tot e walon, purade ki del fé e francès come c' esteut adon l' uzance.

Dipus d' racsegnes so l' no d' famile Bixhrou.

Difoûtrinne hårdêye[candjî | candjî l’ côde wiki]