Cawetes -nut & -èt

Èn årtike di Wikipedia.
(Redjiblé di Cawete -èt)
Sauter à la navigation Sauter à la recherche

Li cawete di codjowaedje -nut eyet li cawete di codjowaedje -èt, c' est les deus cawetes des rwaitants di l' indicatif prezintrece e rfondou walon.

Istwere des cawetes di codjowaedje des rwaitants di l' indicatif prezintrece.[candjî | candjî l' côde wiki]

Istwere del cawete -nut[candjî | candjî l' côde wiki]

Elle egzistêye dedja dins l' prumire mitan do 13inme sieke dins li scrîta :

  • giesene (i djîznut); descendenent (i dischindnut) (1235).
  • quitenent (i cwitnut) (1257).
  • ilh painent cens a saingnour (i paynut l' cinse å signeur) (1292); paienent (1305).
  • diene (i dijhnut, i dîynët) (diviè 1290).
  • passenent (i pasnut (1305).

Istwere del cawete -èt[candjî | candjî l' côde wiki]

On nel ritrouve waire sicrîte, ca, å pus sovint, li vî scrijha -ent continowe di rprezinter nosse cawete. Tolminme, li passaedje å -èt a leyî sacwantès "passêyes".

  • li abés et li chovens di Was Sain Lambert tinet en fies [...] (l' abésse li scabén di Wåsse Sint Lambiet tinèt e [...]);
  • tinnet plaien fies (tinèt plin fî) (Hesbaye, diviè 1330).

Sourdant : Louis Remacle La différenciation dialectale en Belgique Romane avant 1600, hagnon 72, pp. 143-146..

Cawete des rwaitants d' indicatif prezintrece e picård.[candjî | candjî l' côde wiki]

Li cawete -nut pout eto mostrer kel "frontire" inte li walon eyet l' picård est ddja la di ces trevéns la. Ca, e payis picård, c' est ddja ene acawete -tèt, -tët.

  • montente (Pc. i mont'tët, W. i montnut, i montèt), Chieve, 1194.

Les deus cawetes pår walones -nut eyet -èt sont brutiantes (tonikes); les cawetes picådes nel sont nén. Dins "i mont'tët", l' accint est so "mont-".