Crouwin d' ansinî

Chenopodium album

dins on cortijhea, la k' gn aveut yeu di l' ansene di plante (dipus d' 2 metes hôt)

Li crouwin d' ansinî u såvadje airipe, c' est on crouwå ki vént voltî so ls ansinîs.

Sincieus no d' l' indje : Chenopodium album

Discrijhaedje

C' est ene plante anêyrece d' esté, ki sait crexhe 2 metes et dmey hôt.

Les bodjes sont sovint roylés, avou de rodjès royes.

Les prumirès foyes sont-st ôternêyes, dintêyes (kékes grands dints nén erîlés), del cogne d' on lozindje mins ki dvént pus fén al copete.

Les flormints, c' est des trokes di ptitès fleurs metowes so on minme sitok.

• 
  djonne plante
• 
  foye a môde d' on longou lozindje
• 
  minme pareye
• 
  foyes kiminçant a rodji
• 
  flormint ås trokes (co verts)
• 
  blancs flormints
• 
  souwêyès fleurs
• 
  bodje roylé rodje

Spårdaedje

Spårdaedje des payis al rodje coleur eviè l' monde etir (contrêyes al rôze coleur)

Ele shonne provni d' Urope, mins ci n' est nén pus seur ki ça, don k' elle vént asteure dins ene cåkêye di payis totavå l' Daegne, purade dins les froedès contrêyes.

avou do riz, des canadas et des agnons

Crexhaedje

C' est on crouwå di toplin des coûteures.

Elle est foirt voltrûle, vinant dins totes les sôres di teres, minmes foirt pôves. Mins ele crexhe li mî dins les ritchès teres, bén ansinêyes (did la s' no e walon).

Les grinnes savnut sorviker 30 a 40 ans dins tere.

Uzaedjes

Ele pout esse magneye come verdeure.

Ses grinnes souwêyes polèt siervi d' farene.